27–28 fevral 2027
BakıZalın ünvanı və kateqoriyalar üzrə saatlar ayrıca açıqlanacaq.
Qeydiyyat2026–2027-ci tədris ili
Azərbaycan seçim turu
Komandanızla robot hazırlayın və seçdiyiniz idman növündə yarışın.
Minoan RobotSports Competition (MRC) hər il Yunanıstan Parlamentinin, Yunanıstanın Təhsil, Dini İşlər və İdman Nazirliyinin, Rəqəmsal İdarəetmə Nazirliyinin və H.E.R.O. təşkilatının dəstəyi ilə Yunanıstanda keçirilən beynəlxalq robot idmanı olimpiadasıdır. Komandalar öz robotlarını qurur, proqramlaşdırır və idman meydançasına çıxarırlar. Marafonda nəticəni saniyələr, oxatmada dəqiqlik, robot futbolunda isə vurulan qollar müəyyən edir.
2026-cı il aprelin 3–6-da Krit adasının İraklion şəhərində keçirilən beşinci olimpiada 46 ölkədən 4 500-dən çox iştirakçını bir araya gətirdi. Yarışı Yunanıstanın Təhsil Robototexnikası Təşkilatı (H.E.R.O.) Krit bölgəsinin rəhbərliyi ilə birgə təşkil etdi.
2026–2027-ci tədris ilində Azərbaycan da MRC-nin seçim turunu keçirən ölkələr sırasındadır. Olimpiadanın Azərbaycan üzrə rəsmi nümayəndəsi Global Olympiad Center (GOC) fevralın 27–28-də Bakıda ölkə turunu təşkil edir. Hər kateqoriyada ilk üç yeri tutan komandalar aprelin 23–26-da Kritdə keçiriləcək beynəlxalq finalda Azərbaycanı təmsil etmək hüququ qazanırlar. Seçim turunda yarışan hər iştirakçıya sertifikat verilir.
Yarış növünü seçin. Yaş qrupları, robot tələbləri, qiymətləndirmə qaydaları və hazırlıq materialları hər kateqoriyanın daxilində verilib.
Zalın ünvanı və kateqoriyalar üzrə saatlar ayrıca açıqlanacaq.
QeydiyyatGOC beynəlxalq finalda iştirak qaydalarını və qeydiyyatla bağlı ətraflı məlumatı açıqlayacaq.
Finala vəsiqə qazanan komandalar bu tarixədək qeydiyyatı tamamlamalıdırlar.
Azərbaycan seçim turunda hər kateqoriya üzrə 1-ci, 2-ci və 3-cü yerləri tutan komandalar finalda iştirak hüququ qazanırlar.
GOC Azərbaycan seçim turunu təşkil edir və komandaların qeydiyyatını aparır.
Hellenic Educational Robotics Organization MRC Global Olympiad-ı təşkil edir və kateqoriyaların rəsmi qaydalarını dərc edir.
Yarış növünü seçməkdə və ya komandanızı qeydiyyatdan keçirməkdə köməyə ehtiyacınız varsa, bizə zəng edin.
Global Olympiad Center